(ข) เย วา ปน กุสลมูเลน เอกมูลา, สพฺเพ เต ธมฺมา กุสลาติ ?

กุสลสมุฏฺฐานํ รูปํ กุสลมูเลน เอกมูลํ, น กุสลํฯ กุสลํ กุสลมูเลน เอกมูลญฺเจว กุสลญฺจฯ

[52] (ก) เย เกจิ กุสลมูเลน เอกมูลา ธมฺมา, สพฺเพ เต กุสลมูเลน อญฺญมญฺญมูลาติ?

มูลานิ ยานิ เอกโต อุปฺปชฺชนฺติ กุสลมูลานิ เอกมูลานิ เจว อญฺญมญฺญมูลานิ จฯ อวเสสา กุสลมูลสหชาตา ธมฺมา กุสลมูเลน เอกมูลา, น จ อญฺญมญฺญมูลาฯ

(ข) เย วา ปน กุสลมูเลน อญฺญมญฺญมูลา, สพฺเพ เต ธมฺมา กุสลาติ? อามนฺตาฯ

(2) มูลมูลนโย

[53] (ก) เย เกจิ กุสลา ธมฺมา, สพฺเพ เต กุสลมูลมูลาติ? ตีเณว กุสลมูลมูลานิฯ อวเสสา กุสลา ธมฺมา น กุสลมูลมูลาฯ

(ข) เย วา ปน กุสลมูลมูลา, สพฺเพ เต ธมฺมา กุสลาติ? อามนฺตาฯ

[54] (ก) เย เกจิ กุสลา ธมฺมา, สพฺเพ เต กุสลมูเลน เอกมูลมูลาติ? อามนฺตาฯ

(ข) เย วา ปน กุสลมูเลน เอกมูลมูลา, สพฺเพ เต ธมฺมา กุสลาติ?

กุสลสมุฏฺฐานํ รูปํ กุสลมูเลน เอกมูลมูลํ, น กุสลํฯ กุสลํ กุสลมูเลน เอกมูลมูลญฺเจว กุสลญฺจฯ

[55] (ก) เย เกจิ กุสลมูเลน เอกมูลมูลา ธมฺมา, สพฺเพ เต กุสลมูเลน อญฺญมญฺญมูลมูลาติ?

มูลานิ ยานิ เอกโต อุปฺปชฺชนฺติ กุสลมูลานิ เอกมูลมูลานิ เจว อญฺญมญฺญมูลมูลานิ จฯ อวเสสา กุสลมูลสหชาตา ธมฺมา กุสลมูเลน เอกมูลมูลา, น จ อญฺญมญฺญมูลมูลาฯ

(ข) เย วา ปน กุสลมูเลน อญฺญมญฺญมูลมูลา, สพฺเพ เต ธมฺมา กุสลาติ? อามนฺตาฯ

(3) มูลกนโย

[56] (ก) เย เกจิ กุสลา ธมฺมา, สพฺเพ เต กุสลมูลกาติ? อามนฺตาฯ

(ข) เย วา ปน กุสลมูลกา, สพฺเพ เต ธมฺมา กุสลาติ?

กุสลสมุฏฺฐานํ รูปํ กุสลมูลกํ น กุสลํฯ กุสลํ กุสลมูลกญฺเจว กุสลญฺจฯ

[57] (ก) เย เกจิ กุสลา ธมฺมา, สพฺเพ เต กุสลมูเลน เอกมูลกาติ? อามนฺตาฯ

(ข) เย วา ปน กุสลมูเลน เอกมูลกา, สพฺเพ เต ธมฺมา กุสลาติ?

กุสลสมุฏฺฐานํ รูปํ กุสลมูเลน เอกมูลกํ, น กุสลํฯ กุสลํ กุสลมูเลน เอกมูลกญฺเจว กุสลญฺจฯ

[58] (ก) เย เกจิ กุสลมูเลน เอกมูลกา ธมฺมา, สพฺเพ เต กุสลมูเลน อญฺญมญฺญมูลกาติ?

มูลานิ ยานิ เอกโต อุปฺปชฺชนฺติ กุสลมูลานิ เอกมูลกานิ เจว อญฺญมญฺญมูลกานิ จฯ อวเสสา กุสลมูลสหชาตา ธมฺมา กุสลมูเลน เอกมูลกา, น จ อญฺญมญฺญมูลกาฯ

(ข) เย วา ปน กุสลมูเลน อญฺญมญฺญมูลกา, สพฺเพ เต ธมฺมา กุสลาติ? อามนฺตาฯ

(4) มูลมูลกนโย

[59] (ก) เย เกจิ กุสลา ธมฺมา, สพฺเพ เต กุสลมูลมูลกาติ? อามนฺตาฯ

(ข) เย วา ปน กุสลมูลมูลกา, สพฺเพ เต ธมฺมา กุสลาติ?

กุสลสมุฏฺฐานํ รูปํ กุสลมูลมูลกํ น กุสลํฯ กุสลํ กุสลมูลมูลกญฺเจว กุสลญฺจฯ

[60] (ก) เย เกจิ กุสลา ธมฺมา, สพฺเพ เต กุสลมูเลน เอกมูลมูลกาติ? อามนฺตาฯ

(ข) เย วา ปน กุสลมูเลน เอกมูลมูลกา, สพฺเพ เต ธมฺมา กุสลาติ?

กุสลสมุฏฺฐานํ รูปํ กุสลมูเลน เอกมูลมูลกํ, น กุสลํฯ กุสลํ กุสลมูเลน เอกมูลมูลกญฺเจว กุสลญฺจฯ

[61] (ก) เย เกจิ กุสลมูเลน เอกมูลมูลกา ธมฺมา, สพฺเพ เต กุสลมูเลน อญฺญมญฺญมูลมูลกาติ?

มูลานิ ยานิ เอกโต อุปฺปชฺชนฺติ กุสลมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา กุสลมูลสหชาตา ธมฺมา กุสลมูเลน เอกมูลมูลกา, น จ อญฺญมญฺญมูลมูลกาฯ

(ข) เย วา ปน กุสลมูเลน อญฺญมญฺญมูลมูลกา, สพฺเพ เต ธมฺมา กุสลาติ? อามนฺตาฯ

2. อกุสลา ธมฺมา (1) มูลนโย

[62] (ก) เย เกจิ อกุสลา ธมฺมา, สพฺเพ เต อกุสลมูลาติ?

ตีเณว อกุสลมูลานิฯ อวเสสา อกุสลา ธมฺมา น อกุสลมูลาฯ

(ข) เย วา ปน อกุสลมูลา, สพฺเพ เต ธมฺมา อกุสลาติ? อามนฺตาฯ

[63] (ก) เย เกจิ อกุสลา ธมฺมา, สพฺเพ เต อกุสลมูเลน เอกมูลาติ?

อเหตุกํ อกุสลํ อกุสลมูเลน น เอกมูลํฯ สเหตุกํ อกุสลํ อกุสลมูเลน เอกมูลํฯ

(ข) เย วา ปน อกุสลมูเลน เอกมูลา, สพฺเพ เต ธมฺมา อกุสลาติ?